上星期患感冒, 無睇醫生, 訓一晚休息下都好左d, 但剩番d咳, 幾晚咳到半夜先訓得著, 終於頂唔順要去幫趁西醫, 話我氣管有d發炎, 又係開果d消炎抗生素藥, 鬆氣管藥, 都唔係好想食.

200幾蚊睇醫生, 得2日藥, 食到人都喉乾舌涸, 人都傻傻地,  食左3日消炎抗生素, 又係咁, 但無惡化, 唔鬼覆診, 食得抗生素太多, 我驚第日會養左一種百毒不侵的惡菌,到時我就死梗. 

記得讀書時老師講過, 傷風感冒根本係無藥醫, d藥只能減輕病徵, 令你無咁辛苦, 最後都係要自己產生抗體打低病菌就會康復, 病期長短要睇每個人體質, 而每次病好, 抵抗力會更加強, 只要唔好有其併發症, 都無需要睇醫生, 服用消炎抗生素藥會一併連身體內有用的菌也殺死, 令身體變差. 我好相信呢個老師講架, 所以平時我都好少睇醫生, 身體都算ok.

後來有一次在電視一個資訊節目, 真係講番上述內容, 現時的醫生都濫用抗生素, 令細菌變種, 越來越難對付, 不久會出現一種超級細菌, 無藥能殺, 如果此病菌大量繁殖散播, 將會是人類的大災難............

dincat 發表在 痞客邦 PIXNET 留言(1) 人氣()


留言列表 (1)

禁止留言
  • 火石
  • 傷風感冒

    你講得對, 傷風感冒真係要靠自身抗體去打抵細菌,多休息,多飲暖水,多飲有益的東西,自然就會好.
【 X 關閉 】

【PIXNET 痞客邦】國外旅遊調查
您是我們挑選到的讀者!

填完問卷將有機會獲得心動好禮哦(注意:關閉此視窗將不再出現)

立即填寫取消