目前分類:生活鎖碎 (13)

瀏覽方式: 標題列表 簡短摘要

唔洗用槌仔架

好耐以前去camp, 無工具dum白果, 我用一罐頭, 非常好用

罐頭有條凸起的邊, 會cool住粒白果, 不會一dum就飛走左, 又不會dum到手指,條邊同罐面有少少距離, 又不會dum到粒白果太爛

下次試下啦

dincat 發表在 痞客邦 PIXNET 留言(0) 人氣()

有次買野拎錢出黎, 收銀慢手慢腳, 我無聊睇下張銀紙

嘩............6條9呀, 立即收埋唔比錢住

雖然張銀紙唔係全新直版, 我都好開心, 即刻買番個保護套封住佢

dincat 發表在 痞客邦 PIXNET 留言(0) 人氣()

  • May 30 Sat 2009 22:30
  • 壓力

母親是個性格極度悲觀的人, 所有事都會遁最差的方向去看, 經常回憶過去不開心的往事, 大部份時間活在灰暗的角度裡。

在我求學時期, 她已擔心我將來會不供養她 ; 到我出來社會工作後, 她又擔心我將來會逐她出家門......很多很多無謂的擔心; 現在的她, 空閒時間就是去憂慮去抱怨, 沒有一刻真正的開心, 腦袋盡是負面的思想。

她的情緒病每星期都發作, 久而久之, 我被她的負面情緒弄至很暴燥, 我已沒有心情去勸服她, 任她胡言亂語, 哭哭啼啼, 拿她沒辦法。

只能心裡大叫, 何時才能解脫這包袱, 很厭倦很厭倦很厭倦很厭倦很厭倦

dincat 發表在 痞客邦 PIXNET 留言(0) 人氣()

囡囡好喜愛小動物....................
在她5-6歲時, 買了一隻巴西龜給她, 熱誠過後幾天不換水, 龜龜得了皮膚, 命不久矣
後來一段時間都不買給她小動物, 免得她不懂照顧, 危害生命

到前幾年, 在她哀求下, 協議會好好照顧小生命, 買了一隻小八哥bb犬, 可能當時冬天氣溫太凍, 小狗回家一星期又病了, 發現是狗瘟(也有可能是寵物店賣病狗),  看了2次獸醫, 拖延了一個月, 始終都不治, 囡囡還陪著小狗去世, 傷心得很.

停了半年, 她要養小兔.......................結果一星期後兔兔突然早上肚瀉, 傍晚又去世了

不要寵物啦~~~~~~~~~

一次同學家裡的倉鼠因為要同學父母反對迫遷, 連倉鼠籠,糧食送我來我們家寄養, 這次安全了, 倉鼠越養越肥, 還跟我們逗玩, 開開心心的養了差不多3年, 但食鼠壽命有限, 始終要告老升天, 囡囡又傷心了幾天.

在囡囡完善的搜集資料, 如何飼養小兔, 本月9日在愛協領養了一隻獅子兔回來, 這兔兔回就有一個怪問題, 牠很愛在籠裡面轉轉轉, 愛協的職員說牠因為是上手主人困牠在籠裡面太久所引玫, 我們帶牠回家, 間中都有轉轉的問題, 順理就為牠起名叫"鑽鑽"
鑽鑽回家都很適應, 只是老是戎不掉轉轉的習慣
如是者又過了10天........昨天周五12月21日早上發現鑽鑽的草球沒有動過, 不愛飲食, 中午我去逗牠玩都呆呆的坐在籠裡不動, 叫牠出來抱了一會, 發現牠肢體開始無力, 心知不妙, 我把牠放回籠內不久, 牠四肢抽搐了2分鐘就僵硬了, 快快手手的把籠子清理好, 囡囡回家見到兔籠清洗好, 嘩嘩又哭了

總結過往的經驗, 每次用金錢換回來的小動物都不會飼養多於一個月, 只有人家送的倉鼠才可以善終.

囡囡是否寵物殺手呢??

dincat 發表在 痞客邦 PIXNET 留言(0) 人氣()

她的抑鬱症總是無故又胡言亂語, 我已無言以對
除了吃, 她日間就呼呼大睡, 晚上說皮膚敏感不能入睡, 經常半夜三更要上廁所
已多日沒有睡一覺好的了, 日子越來越難捱, 好想休息, 完全解除牽掛的出外逛一天

dincat 發表在 痞客邦 PIXNET 留言(0) 人氣()

尋日番家鄉拜山, 好多一年見一次d疏堂兄弟一家大細都有黎, 估唔到有d已做左亞爺, 佢教d孫叫我做姑婆  , 嘩!! 叫到我咁老!

因為我亞爺排行最細, 結婚遲, 我讀小學時已經做左姑姐, 但而家做埋姑婆, 真係唔慣, 好彩一年先見佢地一次, 如果日日咁比人叫姑婆, 真係好快老到似亞婆

上幾代人早婚, 早生仔, 一早已拖男帶女, 兒孫滿堂, 唔似得而家d人, 要玩夠先結婚, 儲夠錢先有能力先生仔, 好多生一個就收工, 唔敢再生添.

香港人口老化問題都幾嚴重下, 再過多1-2代, 一個人要供養4個老人, 你都咪話唔吃力, 而家每月派得幾舊水生果金, 未夠d老人家睇醫生啦, 香港政府97年推出強積金, 主要就係呢個原因, 想局住我地儲錢退休, 減輕政府壓力.

我都無計過要儲幾錢先可以退休, 唯有繼續搵, 搏命搵多d先

dincat 發表在 痞客邦 PIXNET 留言(0) 人氣()

零時十分 倚窗看門外暗燈
迷途夜雨靜吻路人
曾在雨中 你低聲的說
Happy birthday my loved one

為何現今 只得我呆望雨絲
呆呆坐至夜半二時
拿著兩杯凍的香檳說
Happy birthday to me

綿綿夜雨 無言淚珠 陪我慶祝今次生辰
綿綿夜雨 無言淚珠 齊來為我添氣氛

無人夜中 穿起那明艷舞衣
無言獨坐直至六時 拿著兩杯暖的香檳說
Happy birthday to me

dincat 發表在 痞客邦 PIXNET 留言(0) 人氣()

今日係農曆二月初一, 解禁啦!

老媽子係舊一代人, 好多野都古老思想, 新正頭好多野都話要禁, 雖然我唔信, 但有d我都會跟佢, 唔做住囉.

佢話正月唔好買鞋, 之前我間中有幾年忍唔到, 在正月買左鞋, 佢記得果年就唔好, 有一年我老豆仲叮埋添, 可能係有咁啱卦, 但佢舊年年尾特登提醒我, 唔准我買,  今年我都無買啦, 遲d買又唔洗死, 順下佢囉.

最麻煩就係逢初一、十五唔准洗頭, 有時朝早起身, 洗完頭都唔知幾舒服.
媽:今日初一喎你洗頭?! 
me:車....我鬼知今日係初一咩, 我都無睇舊曆. 
媽:初一、十五唔好洗頭呀
me:係咩? 通勝都無話唔好洗頭, 都洗左啦.
嘻嘻,  久而久之, 佢都無氣再話我.

呢樣都未算呀, 以前至慘係正月未過人日, 都話唔洗得, 我都唔知我細個時候點忍到咁多日唔洗頭(佢係由貼左揮春起計到人日都唔准洗頭, 差不多有10日), 後來稍為有判斷力, 我都偷偷趁佢出左街洗頭吹乾埋, 佢都未知. 

乜又唔得, 物又唔得, 邊跟得咁多, 結果我無理佢, 犯規太多都無我符, 由得我. 

仲有舊年我過左尾禡都無去剪髮, 又唔份氣比人收雙倍錢, 無剪髮就過年, 結果等到而家, 開始夏天又到, 我要快d去剪.

dincat 發表在 痞客邦 PIXNET 留言(1) 人氣()

好快又到生日, 又老一年
呢排都好黑仔, 事事不順, 頭頭碰著黑, 唔知點解會咁, 搞到都無咩心情, 唔通真係開工無拜神?
好耐無喊過, 想痛快咁喊番一次, 又喊唔出, 唉~~~~~~

dincat 發表在 痞客邦 PIXNET 留言(0) 人氣()

幾年前...有次我係屋企去廁所, 電話放在褲後袋唔記得, 一掀起外套準備解褲已聽到有野跌落馬桶"咚咚"响, 真係嚇到我乜解都唔記得, 拿拿聲將電話撈起, 第一時間除左舊電, 用水沖乾淨d鹹水, 係咁 done 番d水出黎, 再用風筒吹番乾, 個電話真係用得番, 仲全新一樣, d 塵都沖走晒. d朋友叫我快d賣左部機, 因為入水電話好快會有問題, 但我好鐘意部機, 又入左好多歌仔, 無賣到, 而且捱左成年先開始壞, 算係咁啦.
今朝想搵電話用, 咦......唔見左部機, 係邊呢? 打電話周屋搵, 最後部機在洗衣機入面响緊, 好彩今日d衫未夠多, 如果一開機洗衫就無梗啦, 洗成個鐘, 部電話一定乜資料都洗清, 好彩好彩
但諗諗下部機都有d神神地, 第日都係backup番d資料, 洗下佢先, 可以換機囉

dincat 發表在 痞客邦 PIXNET 留言(0) 人氣()

恭喜發財
我都算係咁啦, 馬馬虎虎, 無驚無險,順順利利又過左一年
其實我都幾大頭蝦, 成日都無咩記性, 好急d 野, 轉頭又忘記左, 年三十朝本來話要買碌柚葉, 忘記左, 到左夜晚先記得, 拿拿聲走去買, 賣晒...............結果用d黃皮葉頂住, 我估無問題卦  
昨日買料煮齋, 以為屋企仲有粉絲剩, 原來食晒我又唔記得, 成日都忙住執野, 無去買, 今朝一早去百佳買啦, 等到9:30都未開門, 唔等啦, 陣間遲左煮又比老媽子鵝, 點算呢 , 有計, 用日本拉麵代替啦, 都係取長長久久意頭嗟, 拉麵好食又夠長, 索左煮齋d汁, 仲好好味, 我食左2碗
年初一已開始符轆,  我估今年都會係咁, 哈哈

dincat 發表在 痞客邦 PIXNET 留言(0) 人氣()

介紹其中幾款我的珍藏--明星類

1989年小鳯姐演唱會, 贊助商: 捷威旅行社已經結業

大家有無睇過呢套電影: 我愛扭紋柴

花旗少林, 又係發哥, 女主角吳倩蓮

last, 星爺壓軸
睇住咁多先, 最近幾年d未整理, 得閒再up

dincat 發表在 痞客邦 PIXNET 留言(0) 人氣()


送給天下有情人

dincat 發表在 痞客邦 PIXNET 留言(0) 人氣()