目前分類:謬論廢話 (9)

瀏覽方式: 標題列表 簡短摘要

IMG_4626.JPG 

屋企無論煮多少米, 每晚都會剩1-2湯匙飯, 囡囡有時又胃口不佳, 又剩飯一大碗, 我一定會將剩飯裝起, 留3-4天, 再加特別多煮的飯, "快趣炒飯"又一餐

**********************************************

曾經看過一警世故事, 現在把故事記憶寫出來分享

有2個富裕人家的姊妹, 經常每餐都滿桌佳餚, 又怕多吃會長胖影響體型, 只吃一丁點就把食物倒掉, 家裡的傭人都看不過眼, 勸她們不要浪費食物, 她們都異口同聲道: 怕甚麼, 我們的家財十世也吃不完

時間飛逝......這倆姊妹先後去世了

妹妹到地府後, 鬼差帶她去見她的姊姊, 妹妹看到姊姊坐在一桌美食前, 正在埋頭大吃大喝
妹: 姊姊你在這裡不錯啊, 還有這麼多美食給你享用, 你現在吃這麼多, 不怕胖嗎?
姊姊抬起頭來, 滿臉淚光說: 妹妹, 我每天就是坐在這裡吃!吃!吃!, 這是我們生前倒掉浪費的食物, 一定要吃完才可以去投胎, 我來這裡已三年了, 只吃了這座食物山的一小角, 看, 後面兩座比山高的食物, 是留給你來一起吃的
妹妹回頭一看, 兩座高聳入雲的食物山就在她身邊

dincat 發表在 痞客邦 PIXNET 留言(0) 人氣()

媽媽不小心跌傷要留院動手術醫治, 已住了一星期多了, 她又把夢境與事實混淆, 以為我們扔下她在醫院不理, 憂心最終會殘廢, 思想過度, 經常嚷著要回家

醫護人員可能人手不足吧, 沒有太多時間看管她, 媽媽經常被束縛雙手, 半天都拿不到水喝, 探病時媽媽聲音都沙啞了...... , 只好盡量哄媽媽叫她多點休息, 不要騷擾別人, 不要嘗試自己落床, 否則又會遭護士綁手

今天去探病剛到步, 新來的鄰床家屬即向我投訴, 這婆婆為何整晚都胡言亂語, 擾人休息

媽媽這幾年進出醫院時間較多, 見過很多同房病人的表現比她還要差, 我已學懂體諒別人, 年紀較長的病人通常會有這些毛病, 請大家互相理解包容, 如果不能忍受, 請多花點費用去住私家醫院獨立病房, 會較清靜

dincat 發表在 痞客邦 PIXNET 留言(0) 人氣()

曾經讀過一篇文章, 意思大概是....
造物者創造了人類, 原來是4手4腳的, 覺得不好看, 想出了一個鬼主意, 把人縱切分成2份, 散落人間, 命令人要找回自己的另一半

有人花掉一生時間, 都找不到吻合的另一半; 有人找到了, 過了一段時間又覺得配得不舒服, 又分開再去找, 離離合合, 尋尋覓覓, 永遠不可以安頓下來; 一拍即合, 同諧白首的少之又少.

如果你已找到適合的另一半, 恭喜你, 要好好珍惜, 用時間慢慢磨合, 如膠似漆的黏在一起吧

由此, 令我想到人體構造的另一奧妙, 很多動物都可以靈活把頸及頭顱轉後後望
人的頭顱只可以左右180度望, 不可以再轉望後面, 勉強向後望頸項會痛楚, 整天都回望過去, 你會錯過眼前美好事物, 容易失足碰壁跌倒

人要永遠向前看啊, 回憶只保留開心愉快的往事就夠了

dincat 發表在 痞客邦 PIXNET 留言(0) 人氣()

前2日坐小巴, 有個亞婆上車, 佢真係行動非常困難, 上車要用埋對手爬上黎, 我見到佢咁辛苦, 立即上前扶佢上車坐好.

過左一陣, 亞婆問司機, 我想去xxx, 你到左叫我落車啦, 但司機都唔知佢想去邊度, 亞婆拎住張飛比司機睇, 司機話你張飛無地址, 我都唔知, 司機叔叔都好好人, 好大聲讀張飛, 青衣xxx 老人中心, 有無人知係邊度? 但全車都無人知, 結果快要過青衣橋, 司機話呢架車就快要過橋去葵涌, 你落左車問人啦. 

亞婆好無奈都要落車, 我又見佢上車都咁困難, 落車一定仲麻煩, 立即起身落車扶亞婆落黎, 等佢企穩, 我立即上番車, 至於亞婆有無搵到間老人中心, 真係唔知道啦.

我坐低一陣, 聽到有人細細聲講: 呢位小姐真係好心. 我聽到開心左一陣, 但鼻子一酸, 心裡面想, 我mami都係行動不便, 上落車都要人扶住, 驚佢又再跌親, 老人家跌親會好大件事, 我mami自己唔敢一個人坐車出街, 一定有我陪住. 點解呢位婆婆咁大膽唔識路都一個人坐車去街, 如果我第日老左好似呢位亞婆咁, 都希望有人幫下我

dincat 發表在 痞客邦 PIXNET 留言(1) 人氣()

上星期患感冒, 無睇醫生, 訓一晚休息下都好左d, 但剩番d咳, 幾晚咳到半夜先訓得著, 終於頂唔順要去幫趁西醫, 話我氣管有d發炎, 又係開果d消炎抗生素藥, 鬆氣管藥, 都唔係好想食.

200幾蚊睇醫生, 得2日藥, 食到人都喉乾舌涸, 人都傻傻地,  食左3日消炎抗生素, 又係咁, 但無惡化, 唔鬼覆診, 食得抗生素太多, 我驚第日會養左一種百毒不侵的惡菌,到時我就死梗. 

記得讀書時老師講過, 傷風感冒根本係無藥醫, d藥只能減輕病徵, 令你無咁辛苦, 最後都係要自己產生抗體打低病菌就會康復, 病期長短要睇每個人體質, 而每次病好, 抵抗力會更加強, 只要唔好有其併發症, 都無需要睇醫生, 服用消炎抗生素藥會一併連身體內有用的菌也殺死, 令身體變差. 我好相信呢個老師講架, 所以平時我都好少睇醫生, 身體都算ok.

後來有一次在電視一個資訊節目, 真係講番上述內容, 現時的醫生都濫用抗生素, 令細菌變種, 越來越難對付, 不久會出現一種超級細菌, 無藥能殺, 如果此病菌大量繁殖散播, 將會是人類的大災難............

dincat 發表在 痞客邦 PIXNET 留言(1) 人氣()

早幾日搭地鐵, 上車無耐聽到有個亞叔好大聲講野, 我開頭又以為有人講電話, 搵下邊個咁鬼大聲咁無公德.

原來有位智障人士向佢問路, 果位哥哥搭錯反方向車, 唔知點先可以去到目的地. 但亞叔講野方法又唔夠直接, 荔景講到青衣到站, 哥哥都唔明, 又無人其他搭咀. 終於到青衣站, 另一位企隔離的B先生話帶佢去搭車, 但因為太急要落車, B先生催佢快D落車, 智障哥哥又唔相信人無跟人去, 我因為隔左成卡車距離, 我都行過去話帶佢去搭車, 最終係閂左門智障哥哥都無出黎, 我估佢會在東涌尾站落車, 希望有好心人會帶佢去搭車.

番到屋企, 諗番呢件事, 都後悔自己未及時出手幫佢, 點解同車卡咁多人, 無人幫佢呢?  等到最後一秒先話有人帶佢去搭車, 好簡單一件小事都變成咁, 嚴重D會點呢? 

香港人真係咁冷漠嗎?

dincat 發表在 痞客邦 PIXNET 留言(0) 人氣()

哈, 今日識到個客姓名好特別既人, 佢係食得架, 姓草名莓, 草莓呀, yummy  yummy

其實做左淘寶一年幾, 識多左人, 咩怪姓名都有, 有d真係唔識個字點讀, 有d又怪雞到暈, 笑爆咀.

怪姓多數係外省果邊d人, 例如: 睢,  遲, 鞠, 漆,  及,  應, 酈, 邸, 闞, 蒯(紅色呢幾個唔識讀, 有人知點讀唔該話我聽)

姓+名有d都好奇特架: 
雷鳴<<係咪好威呢
珈菲<< 唔知佢英文名係咪Garfield
諸葛想想<<  佢父母一定恨左bb好耐啦
吳珍<< 唔通佢整過容?
劉祿億<< 好疊水呀
蕭瀟<< 哈, 蕭瀟小姐, 請聽一號線電話
費飛<<  用普通話好鬼難讀
席大同<<  呢個要用普通話讀先明點解咁好笑(大同席)
白雲蒸<< 白骨精個妹
桂利洪<< 呢個唔洗我講啦

最好笑係早幾日睇報紙, 知道毛澤東個塞(佢個孫個仔) 叫毛東東....笑鬼死我

dincat 發表在 痞客邦 PIXNET 留言(0) 人氣()

前2日囡囡去左同學屋企, 返黎講同學屋企飯廳無電視機, 會全家一齊入父母房睇電視, 我同佢都覺得好奇怪, 但細心諗下又幾好喎.

唔知大家有無一返到屋企都開著部電視, 但又唔係坐係度睇, 開電視已經成為一種習慣. 一家人食飯都望住部電視, 無傾計,睇到餸都唔記得食, 或者求其快快食完又卜去睇電視.

佢同學仔父母好有遠見, 飯廳唔放電視機,  起碼食飯專心d, 邊食邊傾計互相溝通, 真係可以增進一家人感情, 慢慢食對身體又好. 另外, 通常小朋友都唔鐘意一個人在房度做功課, 想人陪一齊做, 除非你屋企好大, 否則2-3個人又點可以一齊在房入面做功課呢? 出廳做, 有部電視咁大誘惑, 一定扭計要睇多陣先做功課, 又要勞氣啦.

如果有父母計劃撤走廳中電視機, 一定要盡早開始, 否則小朋友中左電視機毒, 你搬走部電視, 一定攪到家變

我就覺得而家d免費電視節目質素真係好差, 好多時教壞細路, 教壞大人添

dincat 發表在 痞客邦 PIXNET 留言(0) 人氣()

本來開呢個blog想寫d開心野, 但今日發生一單野, 不吐不快......
今朝去快餐店食野, 買左飛排隊取食物, 覺得有野揩到我個pat pat ,令轉頭望下, 原來係後面個女人既大手袋掂到我, 我行前d唔理佢啦
一陣....又黎揩我, 我又令轉頭啤下個女人, 點知我都未開聲, 個女人竟然細細聲話我: "好巴閉咩, 你個躉大之嘛" , 我開始慶, 但無鬧佢, 但已經開始啤住佢個手袋, 唔比佢間接非禮&騷擾我, 個傻婆又係度ee哦哦"又唔知你個躉大", 我好嬲, 駁佢:" 而家排隊攞野食之嘛, 你貼咁埋做咩呀, 你又咩大呀, 死開D啦 大你老母!!"
忍佢2次仲係度亞之亞佐, 唔出聲當我好蝦,  佢當堂彈開2尺無聲出
p.s. 個傻婆後面係無人排隊架, 佢唔知貼咁埋做咩呢, 真係咩人都有, 痴痴地線

癲貓守則:守秩序, 請排隊, 並且保持安全距離!

dincat 發表在 痞客邦 PIXNET 留言(0) 人氣()