生活鎖碎 @ 癲貓SHOW

Sep 18 Fri 2009 16:07
簡單開白果方法

唔洗用槌仔架

好耐以前去camp, 無工具dum白果, 我用一罐頭, 非常好用

罐頭有條凸起的邊, 會cool住粒白果, 不會一dum就飛走左, 又不會dum到手指,條邊同罐面有少少距離, 又不會dum到粒白果太爛

下次試下啦

dincat 發表在痞客邦留言(0) 人氣()

個人分類：生活鎖碎

▲top

Jul 07 Tue 2009 18:27
長長久久

有次買野拎錢出黎, 收銀慢手慢腳, 我無聊睇下張銀紙

嘩............6條9呀, 立即收埋唔比錢住

雖然張銀紙唔係全新直版, 我都好開心, 即刻買番個保護套封住佢

dincat 發表在痞客邦留言(0) 人氣()

個人分類：生活鎖碎

▲top

May 30 Sat 2009 22:30
壓力

母親是個性格極度悲觀的人, 所有事都會遁最差的方向去看, 經常回憶過去不開心的往事, 大部份時間活在灰暗的角度裡。

在我求學時期, 她已擔心我將來會不供養她 ; 到我出來社會工作後, 她又擔心我將來會逐她出家門......很多很多無謂的擔心; 現在的她, 空閒時間就是去憂慮去抱怨, 沒有一刻真正的開心, 腦袋盡是負面的思想。

她的情緒病每星期都發作, 久而久之, 我被她的負面情緒弄至很暴燥, 我已沒有心情去勸服她, 任她胡言亂語, 哭哭啼啼, 拿她沒辦法。

只能心裡大叫, 何時才能解脫這包袱, 很厭倦很厭倦很厭倦很厭倦很厭倦

dincat 發表在痞客邦留言(0) 人氣()

個人分類：生活鎖碎

▲top

Dec 22 Sat 2007 16:48
囡囡係寵物殺手???

囡囡好喜愛小動物....................
在她5-6歲時, 買了一隻巴西龜給她, 熱誠過後幾天不換水, 龜龜得了皮膚, 命不久矣

後來一段時間都不買給她小動物, 免得她不懂照顧, 危害生命

到前幾年, 在她哀求下, 協議會好好照顧小生命, 買了一隻小八哥bb犬

, 可能當時冬天氣溫太凍, 小狗回家一星期又病了, 發現是狗瘟(也有可能是寵物店賣病狗), 看了2次獸醫, 拖延了一個月, 始終都不治, 囡囡還陪著小狗去世, 傷心得很.

停了半年, 她要養小兔.......................結果一星期後兔兔突然早上肚瀉, 傍晚又去世了

不要寵物啦~~~~~~~~~

一次同學家裡的倉鼠因為要同學父母反對迫遷, 連倉鼠籠,糧食送我來我們家寄養, 這次安全了, 倉鼠越養越肥, 還跟我們逗玩

, 開開心心的養了差不多3年, 但食鼠壽命有限, 始終要告老升天, 囡囡又傷心了幾天.

在囡囡完善的搜集資料, 如何飼養小兔, 本月9日在愛協領養了一隻獅子兔回來, 這兔兔回就有一個怪問題, 牠很愛在籠裡面轉轉轉, 愛協的職員說牠因為是上手主人困牠在籠裡面太久所引玫, 我們帶牠回家, 間中都有轉轉的問題, 順理就為牠起名叫"鑽鑽"
鑽鑽回家都很適應, 只是老是戎不掉轉轉的習慣
如是者又過了10天........昨天周五12月21日早上發現鑽鑽的草球沒有動過, 不愛飲食, 中午我去逗牠玩都呆呆的坐在籠裡不動, 叫牠出來抱了一會, 發現牠肢體開始無力, 心知不妙, 我把牠放回籠內不久, 牠四肢抽搐了2分鐘就僵硬了, 快快手手的把籠子清理好, 囡囡回家見到兔籠清洗好, 嘩嘩又哭了

總結過往的經驗, 每次用金錢換回來的小動物都不會飼養多於一個月, 只有人家送的倉鼠才可以善終.

囡囡是否寵物殺手呢??

dincat 發表在痞客邦留言(0) 人氣()

個人分類：生活鎖碎

▲top

Oct 27 Sat 2007 15:44
好想休息

她的抑鬱症總是無故又胡言亂語, 我已無言以對
除了吃, 她日間就呼呼大睡, 晚上說皮膚敏感不能入睡, 經常半夜三更要上廁所
已多日沒有睡一覺好的了, 日子越來越難捱, 好想休息, 完全解除牽掛的出外逛一天

dincat 發表在痞客邦留言(0) 人氣()

個人分類：生活鎖碎

▲top

Apr 02 Mon 2007 09:42
我做左亞婆

尋日番家鄉拜山, 好多一年見一次d疏堂兄弟一家大細都有黎, 估唔到有d已做左亞爺, 佢教d孫叫我做姑婆 , 嘩！！叫到我咁老！

因為我亞爺排行最細, 結婚遲, 我讀小學時已經做左姑姐, 但而家做埋姑婆, 真係唔慣, 好彩一年先見佢地一次, 如果日日咁比人叫姑婆, 真係好快老到似亞婆

上幾代人早婚, 早生仔, 一早已拖男帶女, 兒孫滿堂, 唔似得而家d人, 要玩夠先結婚, 儲夠錢先有能力先生仔, 好多生一個就收工, 唔敢再生添.

香港人口老化問題都幾嚴重下, 再過多1-2代, 一個人要供養4個老人, 你都咪話唔吃力, 而家每月派得幾舊水生果金, 未夠d老人家睇醫生啦, 香港政府97年推出強積金, 主要就係呢個原因, 想局住我地儲錢退休, 減輕政府壓力.

我都無計過要儲幾錢先可以退休, 唯有繼續搵, 搏命搵多d先

dincat 發表在痞客邦留言(0) 人氣()

個人分類：生活鎖碎

▲top

Mar 31 Sat 2007 00:28
零時十分

零時十分倚窗看門外暗燈
迷途夜雨靜吻路人
曾在雨中你低聲的說
Happy birthday my loved one

為何現今只得我呆望雨絲
呆呆坐至夜半二時
拿著兩杯凍的香檳說
Happy birthday to me

綿綿夜雨無言淚珠陪我慶祝今次生辰
綿綿夜雨無言淚珠齊來為我添氣氛

無人夜中穿起那明艷舞衣
無言獨坐直至六時拿著兩杯暖的香檳說
Happy birthday to me

(繼續閱讀...)

dincat 發表在痞客邦留言(0) 人氣()

個人分類：生活鎖碎

▲top

Mar 20 Tue 2007 08:49
二月初一

今日係農曆二月初一, 解禁啦！

老媽子係舊一代人, 好多野都古老思想, 新正頭好多野都話要禁, 雖然我唔信, 但有d我都會跟佢, 唔做住囉.

佢話正月唔好買鞋, 之前我間中有幾年忍唔到, 在正月買左鞋, 佢記得果年就唔好, 有一年我老豆仲叮埋添, 可能係有咁啱卦, 但佢舊年年尾特登提醒我, 唔准我買, 今年我都無買啦, 遲d買又唔洗死, 順下佢囉.

最麻煩就係逢初一、十五唔准洗頭, 有時朝早起身, 洗完頭都唔知幾舒服.
媽:今日初一喎你洗頭?!
me:車....我鬼知今日係初一咩, 我都無睇舊曆.
媽:初一、十五唔好洗頭呀
me:係咩? 通勝都無話唔好洗頭, 都洗左啦.
嘻嘻, 久而久之, 佢都無氣再話我.

呢樣都未算呀, 以前至慘係正月未過人日, 都話唔洗得, 我都唔知我細個時候點忍到咁多日唔洗頭(佢係由貼左揮春起計到人日都唔准洗頭, 差不多有10日), 後來稍為有判斷力, 我都偷偷趁佢出左街洗頭吹乾埋, 佢都未知.

乜又唔得, 物又唔得, 邊跟得咁多, 結果我無理佢, 犯規太多都無我符, 由得我.

仲有舊年我過左尾禡都無去剪髮, 又唔份氣比人收雙倍錢, 無剪髮就過年, 結果等到而家, 開始夏天又到, 我要快d去剪.

dincat 發表在痞客邦留言(1) 人氣()

個人分類：生活鎖碎

▲top

Mar 13 Tue 2007 15:38
又老一年

好快又到生日, 又老一年
呢排都好黑仔, 事事不順, 頭頭碰著黑, 唔知點解會咁, 搞到都無咩心情, 唔通真係開工無拜神?
好耐無喊過, 想痛快咁喊番一次, 又喊唔出, 唉~~~~~~

(繼續閱讀...)

dincat 發表在痞客邦留言(0) 人氣()

個人分類：生活鎖碎

▲top

Mar 06 Tue 2007 11:03
差d洗左部電話

幾年前...有次我係屋企去廁所, 電話放在褲後袋唔記得, 一掀起外套準備解褲已聽到有野跌落馬桶"咚咚"响, 真係嚇到我乜解都唔記得, 拿拿聲將電話撈起, 第一時間除左舊電, 用水沖乾淨d鹹水, 係咁 done 番d水出黎, 再用風筒吹番乾, 個電話真係用得番, 仲全新一樣, d 塵都沖走晒. d朋友叫我快d賣左部機, 因為入水電話好快會有問題, 但我好鐘意部機, 又入左好多歌仔, 無賣到, 而且捱左成年先開始壞, 算係咁啦.
今朝想搵電話用, 咦......唔見左部機, 係邊呢? 打電話周屋搵, 最後部機在洗衣機入面响緊, 好彩今日d衫未夠多, 如果一開機洗衫就無梗啦, 洗成個鐘, 部電話一定乜資料都洗清, 好彩好彩
但諗諗下部機都有d神神地, 第日都係backup番d資料, 洗下佢先, 可以換機囉