目前日期文章:200703 (7)

瀏覽方式: 標題列表 簡短摘要
零時十分 倚窗看門外暗燈
迷途夜雨靜吻路人
曾在雨中 你低聲的說
Happy birthday my loved one

為何現今 只得我呆望雨絲
呆呆坐至夜半二時
拿著兩杯凍的香檳說
Happy birthday to me

綿綿夜雨 無言淚珠 陪我慶祝今次生辰
綿綿夜雨 無言淚珠 齊來為我添氣氛

無人夜中 穿起那明艷舞衣
無言獨坐直至六時 拿著兩杯暖的香檳說
Happy birthday to me

dincat 發表在 痞客邦 PIXNET 留言(0) 人氣()

哈, 今日識到個客姓名好特別既人, 佢係食得架, 姓草名莓, 草莓呀, yummy  yummy

其實做左淘寶一年幾, 識多左人, 咩怪姓名都有, 有d真係唔識個字點讀, 有d又怪雞到暈, 笑爆咀.

怪姓多數係外省果邊d人, 例如: 睢,  遲, 鞠, 漆,  及,  應, 酈, 邸, 闞, 蒯(紅色呢幾個唔識讀, 有人知點讀唔該話我聽)

姓+名有d都好奇特架: 
雷鳴<<係咪好威呢
珈菲<< 唔知佢英文名係咪Garfield
諸葛想想<<  佢父母一定恨左bb好耐啦
吳珍<< 唔通佢整過容?
劉祿億<< 好疊水呀
蕭瀟<< 哈, 蕭瀟小姐, 請聽一號線電話
費飛<<  用普通話好鬼難讀
席大同<<  呢個要用普通話讀先明點解咁好笑(大同席)
白雲蒸<< 白骨精個妹
桂利洪<< 呢個唔洗我講啦

最好笑係早幾日睇報紙, 知道毛澤東個塞(佢個孫個仔) 叫毛東東....笑鬼死我

dincat 發表在 痞客邦 PIXNET 留言(0) 人氣()

今日係農曆二月初一, 解禁啦!

老媽子係舊一代人, 好多野都古老思想, 新正頭好多野都話要禁, 雖然我唔信, 但有d我都會跟佢, 唔做住囉.

佢話正月唔好買鞋, 之前我間中有幾年忍唔到, 在正月買左鞋, 佢記得果年就唔好, 有一年我老豆仲叮埋添, 可能係有咁啱卦, 但佢舊年年尾特登提醒我, 唔准我買,  今年我都無買啦, 遲d買又唔洗死, 順下佢囉.

最麻煩就係逢初一、十五唔准洗頭, 有時朝早起身, 洗完頭都唔知幾舒服.
媽:今日初一喎你洗頭?! 
me:車....我鬼知今日係初一咩, 我都無睇舊曆. 
媽:初一、十五唔好洗頭呀
me:係咩? 通勝都無話唔好洗頭, 都洗左啦.
嘻嘻,  久而久之, 佢都無氣再話我.

呢樣都未算呀, 以前至慘係正月未過人日, 都話唔洗得, 我都唔知我細個時候點忍到咁多日唔洗頭(佢係由貼左揮春起計到人日都唔准洗頭, 差不多有10日), 後來稍為有判斷力, 我都偷偷趁佢出左街洗頭吹乾埋, 佢都未知. 

乜又唔得, 物又唔得, 邊跟得咁多, 結果我無理佢, 犯規太多都無我符, 由得我. 

仲有舊年我過左尾禡都無去剪髮, 又唔份氣比人收雙倍錢, 無剪髮就過年, 結果等到而家, 開始夏天又到, 我要快d去剪.

dincat 發表在 痞客邦 PIXNET 留言(1) 人氣()

前2日囡囡去左同學屋企, 返黎講同學屋企飯廳無電視機, 會全家一齊入父母房睇電視, 我同佢都覺得好奇怪, 但細心諗下又幾好喎.

唔知大家有無一返到屋企都開著部電視, 但又唔係坐係度睇, 開電視已經成為一種習慣. 一家人食飯都望住部電視, 無傾計,睇到餸都唔記得食, 或者求其快快食完又卜去睇電視.

佢同學仔父母好有遠見, 飯廳唔放電視機,  起碼食飯專心d, 邊食邊傾計互相溝通, 真係可以增進一家人感情, 慢慢食對身體又好. 另外, 通常小朋友都唔鐘意一個人在房度做功課, 想人陪一齊做, 除非你屋企好大, 否則2-3個人又點可以一齊在房入面做功課呢? 出廳做, 有部電視咁大誘惑, 一定扭計要睇多陣先做功課, 又要勞氣啦.

如果有父母計劃撤走廳中電視機, 一定要盡早開始, 否則小朋友中左電視機毒, 你搬走部電視, 一定攪到家變

我就覺得而家d免費電視節目質素真係好差, 好多時教壞細路, 教壞大人添

dincat 發表在 痞客邦 PIXNET 留言(0) 人氣()

好快又到生日, 又老一年
呢排都好黑仔, 事事不順, 頭頭碰著黑, 唔知點解會咁, 搞到都無咩心情, 唔通真係開工無拜神?
好耐無喊過, 想痛快咁喊番一次, 又喊唔出, 唉~~~~~~

dincat 發表在 痞客邦 PIXNET 留言(0) 人氣()

有好野益大家, 啱就拎去用啦 , 試過有效請回來報告

富裕和肥胖沒有兩樣, 都只不過是擁有自己身體過多的東西罷!
日本國立醫院兩星期減肥餐
 
減肥餐在兩星期內將體內組織經化學變化而起作用, 食量多少全無關係, 但必須嚴守食物進食, 若因有事中途停止時, 請再從新進行, 為期兩個星期 (重覆使用餐單一次), 可減多至10kg, 完成這減肥方法後, 因體內組織已變化, 除了必須的營養外, 對多餘的物質不會吸收, 增肥的機會減少, 只要減少進食澱粉質食物便會控制體重
 
 
早餐                        午餐                          晚餐
 
第一日
西柚一個                水煮蛋一隻               豆腐
水煮蛋一隻            蕃茄                          青瓜+紅蘿蔔+西芹
                                                                   醋味沙律
方飽一塊                茶一杯                      茶一杯
茶一杯
 
第二日
西柚一個                西柚一個                  牛扒
水煮蛋一隻            水煮蛋一隻               蕃茄+西芹醋味沙律
方飽一塊                茶一杯                      茶一杯
茶一杯
 
 
早餐                        午餐                          晚餐
 
第三日
西柚一個                蔬菜沙律
水煮蛋一隻            西柚一個                  豆腐或燒雞
茶一杯                    方飽一塊                  蕃茄+西芹醋味沙律
                               茶一杯
 
第四日
西柚一個                蔬菜沙律                  豆腐
水煮蛋一隻            西柚一個                  芝士
茶一杯                    方飽一塊                  菠菜
                               茶一杯                      茶一杯
 
第五日
西柚一個                菠菜                         
水煮蛋一隻            水煮蛋一隻               蔬菜沙律
方飽一塊                方飽一塊                  方飽兩塊
茶一杯                    茶一杯                      茶一杯
  
 
早餐                        午餐                          晚餐
第六日
西柚一個                生果(禁用罐頭)        蕃茄+西芹醋味沙律
水煮蛋一隻                                              茶一杯
方飽一塊
茶一杯
第七日
西柚一個                凍燒雞                      蔬菜湯或燒雞或蕃茄
水煮蛋一隻            西柚一個                  椰菜
茶一杯                    蕃茄                          西柚一個
                               茶一杯                      茶一杯
注意事項:
1.     沙律中不能加沙律醬或有味的調味料, 蔬菜最好煮熟加豉油或醋
2.     茶不能加糖或奶
3.     肉類可燒或烚或白鑊煎, 不能用油
4.     魚可食魚生, 或蒸或煮
5.     盡量少用鹽調味 (為了不能飲大量水)
6.     雞約雞腿一隻, 牛扒約80g100g
7.     雞蛋要全熟, 2隻亦可                        
8.     任何調味都不能加糖, 以淡味為主, 避免多飲水

dincat 發表在 痞客邦 PIXNET 留言(0) 人氣()

幾年前...有次我係屋企去廁所, 電話放在褲後袋唔記得, 一掀起外套準備解褲已聽到有野跌落馬桶"咚咚"响, 真係嚇到我乜解都唔記得, 拿拿聲將電話撈起, 第一時間除左舊電, 用水沖乾淨d鹹水, 係咁 done 番d水出黎, 再用風筒吹番乾, 個電話真係用得番, 仲全新一樣, d 塵都沖走晒. d朋友叫我快d賣左部機, 因為入水電話好快會有問題, 但我好鐘意部機, 又入左好多歌仔, 無賣到, 而且捱左成年先開始壞, 算係咁啦.
今朝想搵電話用, 咦......唔見左部機, 係邊呢? 打電話周屋搵, 最後部機在洗衣機入面响緊, 好彩今日d衫未夠多, 如果一開機洗衫就無梗啦, 洗成個鐘, 部電話一定乜資料都洗清, 好彩好彩
但諗諗下部機都有d神神地, 第日都係backup番d資料, 洗下佢先, 可以換機囉

dincat 發表在 痞客邦 PIXNET 留言(0) 人氣()