曾經讀過一篇文章, 意思大概是....
造物者創造了人類, 原來是4手4腳的, 覺得不好看, 想出了一個鬼主意, 把人縱切分成2份, 散落人間, 命令人要找回自己的另一半

有人花掉一生時間, 都找不到吻合的另一半; 有人找到了, 過了一段時間又覺得配得不舒服, 又分開再去找, 離離合合, 尋尋覓覓, 永遠不可以安頓下來; 一拍即合, 同諧白首的少之又少.

如果你已找到適合的另一半, 恭喜你, 要好好珍惜, 用時間慢慢磨合, 如膠似漆的黏在一起吧

由此, 令我想到人體構造的另一奧妙, 很多動物都可以靈活把頸及頭顱轉後後望
人的頭顱只可以左右180度望, 不可以再轉望後面, 勉強向後望頸項會痛楚, 整天都回望過去, 你會錯過眼前美好事物, 容易失足碰壁跌倒

人要永遠向前看啊, 回憶只保留開心愉快的往事就夠了

dincat 發表在 痞客邦 留言(0) 人氣()

考你正確讀音   粵音挑戰站
教你正確筆順   香港標準字型及筆順
解謎game1  取鎖匙開門
自制攪笑合成相  http://www.photofunia.com/
合成懷舊相簿: http://www.yearbookyourself.com/

 

dincat 發表在 痞客邦 留言(0) 人氣()

  • 這是一篇加密文章,請輸入密碼
  • 密碼提示:
  • 請輸入密碼:

 
愛釣魚朋友送的新鮮生猛魷魚

我隻係9吋碟黎架,好大碟啊!!
好好味, 正 吐舌頭

dincat 發表在 痞客邦 留言(0) 人氣()

桑寄生—功效袪風濕、益肝腎,強筋骨,安胎。本品苦甘牲平,歸肝、腎經。性平,不寒不熱,袪風濕中,尤長於補肝腎,強筋骨,亦能養血益陰。故對風濕痹痛日久,損及肝腎,筋骨不利,腰膝酸痛之症,用之最宜。以其入肝腎,以養血益精,固沖任而安胎,故亦是胎動不安之常用藥。因此,胎動、胎漏,由於肝腎虧,精血不足,以及妊娠腰痛亦常應用,多以阿膠、川斷配用。

據文獻提供,桑寄生含有槲皮素、萹蓄甘、黃酮類物質,有降壓、鎮靜、利尿作用。桑寄生能擴張冠狀動脈,明顯增加冠狀動脈血流量,並對抗垂體後葉素收縮冠狀動脈的作用,能降低血壓,擴張血管,抑制心臟收縮。具有明顯的中樞抑制作用和利尿作用。

此外還能抑制傷寒桿菌和葡萄球菌的生長,對脊髓灰質炎病毒和其他腸道病毒有明顯的抑制作用,故可治肝腎虛弱的風濕痹痛、高血壓、冠心病及婦女胎動不安等症。既能祛風濕、舒筋骨利關節又能補肝腎、強筋骨而加強抗病能力,還有養血安胎功能

這是網友火石提供的桑寄生食療

1. 桑寄生 + 連子 +  蛋 + 紅棗 + 片糖

2. 桑寄生 + 紅棗+ 蛋 + 片糖

3. 桑寄生  + 蛋 + 片糖

4. 桑寄生 + 生地5錢 + 熟地5錢 + 蛋 + 片糖

5. 桑寄生 +杞子+菊花6至7朵+淮山5錢+片糖

6. 桑寄生1兩 +首烏5錢+去皮雞一大隻+紅棗8至10粒+果皮,煲3小時 = 靚湯!
此湯對貧血、未老先衰、腰酸骨痛、亦有強化血氣、強筋骨功效!

7. 桑寄生+杜仲5錢+鹿腳筋+果皮,煲3小時 !
可以補腰膝、虛寒、壯筋骨、四肢冰冷

8.桑寄生80克 + 杜仲 + 連子 + 片糖 + 2碗水 
杜仲 : 降血壓、補肝、補腎、脊骨痛、腰痛 、腳軟、安胎

 

dincat 發表在 痞客邦 留言(0) 人氣()

買左個矽膠模, 試蒸左幾個大發糕, 真係幾易甩模喎
好用呀

甩左模都有少少痴住, 但都好易洗

dincat 發表在 痞客邦 留言(0) 人氣()

親友去完旅遊番黎, 送手信比我
比大家估下係乜......估中無獎



估到未?? 貼士係.........貢品黎架.........好巴閉架

食得既..........煮熟就係咁樣

個名係咪好勁呢.....朝廷貢品喎
我打開個箱都嚇左一跳, 做乜送幾札草比我, 原來係江西米粉
煮左一札黎試下,我放左一堆沙爹醬, 口感似瀨粉, 無咁油, 無咁滑
因為d粉無漂白過, 外觀無咁好睇, 食落都唔錯
好彩一盒係6札咋, 我以為似公仔面一箱有30包, 有排都未食完
原來以前皇帝都係食呢d粗野, 唔怪得好多皇帝都咁短命啦....哈哈

dincat 發表在 痞客邦 留言(0) 人氣()

第一次整, 得師傅(我囡囡)從傍指導, 成功左, 好好味呀

參照以下食譜, 好掂
http://hk.myblog.yahoo.com/kennies_tungtung/article?mid=199

焗完之後, 佢自己烘香蕉片, 但因為焗爐無熱風設計, "半"軍覆沒, 一半燶晒, 一半未乾, 我同囡囡異口同聲: 要換焗爐啦

dincat 發表在 痞客邦 留言(0) 人氣()

魚魚年糕呀....我又整黎玩下先....第一次整有d雞手鴨腳, 粉漿又倒得太滿, 走晒出邊, 有d肉酸呀, 唔準笑我架
幾得意,


dincat 發表在 痞客邦 留言(0) 人氣()

昨日懶到咩咁, 唔想整
"切"左2隻美國黃油大雞肶, 加小小調味醃左
2隻薯仔切1cm厚片, 放入焗爐, 約焗左30mins, 因為本來計住底面分別焗15分鐘, 但焗完效果我覺得未夠, 又再加時焗到靚為止

爆香蒜頭, 乾葱頭, 一茶匙咖喱粉, 加少少水炒熟d雞肶肉, 再加薯仔炆一陣就食得啦, 囡囡都讚幾好味


dincat 發表在 痞客邦 留言(0) 人氣()

囡囡好喜愛小動物....................
在她5-6歲時, 買了一隻巴西龜給她, 熱誠過後幾天不換水, 龜龜得了皮膚, 命不久矣
後來一段時間都不買給她小動物, 免得她不懂照顧, 危害生命

到前幾年, 在她哀求下, 協議會好好照顧小生命, 買了一隻小八哥bb犬, 可能當時冬天氣溫太凍, 小狗回家一星期又病了, 發現是狗瘟(也有可能是寵物店賣病狗),  看了2次獸醫, 拖延了一個月, 始終都不治, 囡囡還陪著小狗去世, 傷心得很.

停了半年, 她要養小兔.......................結果一星期後兔兔突然早上肚瀉, 傍晚又去世了

不要寵物啦~~~~~~~~~

一次同學家裡的倉鼠因為要同學父母反對迫遷, 連倉鼠籠,糧食送我來我們家寄養, 這次安全了, 倉鼠越養越肥, 還跟我們逗玩, 開開心心的養了差不多3年, 但食鼠壽命有限, 始終要告老升天, 囡囡又傷心了幾天.

在囡囡完善的搜集資料, 如何飼養小兔, 本月9日在愛協領養了一隻獅子兔回來, 這兔兔回就有一個怪問題, 牠很愛在籠裡面轉轉轉, 愛協的職員說牠因為是上手主人困牠在籠裡面太久所引玫, 我們帶牠回家, 間中都有轉轉的問題, 順理就為牠起名叫"鑽鑽"
鑽鑽回家都很適應, 只是老是戎不掉轉轉的習慣
如是者又過了10天........昨天周五12月21日早上發現鑽鑽的草球沒有動過, 不愛飲食, 中午我去逗牠玩都呆呆的坐在籠裡不動, 叫牠出來抱了一會, 發現牠肢體開始無力, 心知不妙, 我把牠放回籠內不久, 牠四肢抽搐了2分鐘就僵硬了, 快快手手的把籠子清理好, 囡囡回家見到兔籠清洗好, 嘩嘩又哭了

總結過往的經驗, 每次用金錢換回來的小動物都不會飼養多於一個月, 只有人家送的倉鼠才可以善終.

囡囡是否寵物殺手呢??

dincat 發表在 痞客邦 留言(0) 人氣()

她的抑鬱症總是無故又胡言亂語, 我已無言以對
除了吃, 她日間就呼呼大睡, 晚上說皮膚敏感不能入睡, 經常半夜三更要上廁所
已多日沒有睡一覺好的了, 日子越來越難捱, 好想休息, 完全解除牽掛的出外逛一天

dincat 發表在 痞客邦 留言(0) 人氣()

呢排成日睇人地d飲食blog, 又想學人整下野食
以前我 mami 包果d糉好大隻架, 半斤重一隻, 我好怕食佢整d糉, 滯死
做足晒research, 睇晒人地點包, 買齊晒料, 包糉啦~~~~~
一斤糯米, 半斤綠豆, 包左19隻"小家糉", 都幾好玩
連包, 連烚, 4個半鐘, 食得啦, 睇睇

dincat 發表在 痞客邦 留言(0) 人氣()

自製健康叉燒, 不含人做色素, 都幾好味

dincat 發表在 痞客邦 留言(0) 人氣()

前2日坐小巴, 有個亞婆上車, 佢真係行動非常困難, 上車要用埋對手爬上黎, 我見到佢咁辛苦, 立即上前扶佢上車坐好.

過左一陣, 亞婆問司機, 我想去xxx, 你到左叫我落車啦, 但司機都唔知佢想去邊度, 亞婆拎住張飛比司機睇, 司機話你張飛無地址, 我都唔知, 司機叔叔都好好人, 好大聲讀張飛, 青衣xxx 老人中心, 有無人知係邊度? 但全車都無人知, 結果快要過青衣橋, 司機話呢架車就快要過橋去葵涌, 你落左車問人啦. 

亞婆好無奈都要落車, 我又見佢上車都咁困難, 落車一定仲麻煩, 立即起身落車扶亞婆落黎, 等佢企穩, 我立即上番車, 至於亞婆有無搵到間老人中心, 真係唔知道啦.

我坐低一陣, 聽到有人細細聲講: 呢位小姐真係好心. 我聽到開心左一陣, 但鼻子一酸, 心裡面想, 我mami都係行動不便, 上落車都要人扶住, 驚佢又再跌親, 老人家跌親會好大件事, 我mami自己唔敢一個人坐車出街, 一定有我陪住. 點解呢位婆婆咁大膽唔識路都一個人坐車去街, 如果我第日老左好似呢位亞婆咁, 都希望有人幫下我

dincat 發表在 痞客邦 留言(1) 人氣()